Yəqin ki, qrafik proqram olan Photoshop redaktorunu və onun imkanlarının möhtəşəmliyini eşitməyən insan yoxdur

Jurnallar və saytlarda görə biləcəyiniz şəkillərin 90%-i, demək olar ki, Photoshop vasitəsilə redaktə edilir

Peşəkar fotoqraflar, həvəskar fotoqraflar, qrafik dizaynerlər, poliqrafiya dizaynerləri və veb – dizayenrlər bu proqram ilə işləyirlər. Photoshop proqramında PR, SMM və Event idarəçiliyi ilə əlaqəsi olan insanlar şəkilləri redaktə edirlər. Bu proqram ailəvi dəniz səyahəti zamanı foto çəkiliş edən və məhşur brendin reklam kompaniyası üçün Balidə fotosessiya keçirən peşəkarlar və həvəskarlar üçündür.

Proqramın rəsmi tarixi və yaranma vaxtı barəsində heç bir əfsanə yoxdur. Photoshop 1.0 proqramının yarandığı il, yəni, 1990 – cı ili Photoshop proqramının başlanğıc erası hesab edirlər. Lakin o zamanadək də proqram inkişaf etmişdi.

Onun yaradıcısı Miçiqan (Amerika Birləşmiş Ştatları) universitetinin tələbəsi Tomas Nolldur. 1987 – ci ildə o, bir neçə kod sətiri yazmış və inqilabi proqramın yaranmasına səbəb olmuşdur ki, bu da bəzi açar parametrləri ilə yalnız rəqiblərini deyil, zamanın özünü də geridə qoymuşdur. Doğma qardaşı Tomas Con tərtibata qoşulmuş və şəkillərin işlənib hazırlanması üçün proqramın işlənməsi və yaradılmasında bilavasitə münasibəti olmuşdur. O, studiyada işləyirdi və xüsusi effektlər ilə məşğul idi. Buna baxmayaraq, qardaşlar uşaqlıqdan incəsənətə və kompyuterə çox meylli olmuşlar və dizaynın inkişafına böyük töhfələr vermişlər.

Qardaşlar öz tərtibatlarını “Display” adlandırmışlar, lakin bu ad proqramın funksiyaları ilə heç cürə uyğun gəlmirdi və bir ildən sonra onun adını “ImagePro” adlandırmışlar. 1988 – ci ildə, Noll qardaşları tərəfindən işlənmiş proqramı “Adobe” şirkəti alan zaman, onu “Photoshop” adlandırmışdır. Bu ad bu günədək məhşurdur, bundan başqa nadir hallarda məhsulun adı şəkilin işlənib hazırlanması anlamını verən feil olmuşdur. Adobe şirkəti ilə sövdələşmə zamanı Noll qardaşları proqram üzrə müəlliflik hüquqlarını özlərində saxlamışlar.

Qeyd etmək lazımdır ki, Tomas əvvəlcədən yalnız “Macintosh” kompyuterlərində işləyən proqram hazırlamışdı. Lakin bu səhv tezliklə aradan qaldırıldı və “Adobe” şirkəti 1992 – ci ildə “Windows” əməliyyat sistemi (ƏS) üçün versiya təqdim etdi. Beləliklə, “Photoshop” ilk krosplatforma əlavəsi oldu.

Məhz bu zaman “Photoshop” üzərində işləyən proqramçılar komandası genişlənir. Məhsulun özü nail olduğu yerlə kifayətlənmir və inkişafına davam edir. Müntəzəm olaraq təqdim edilən yeni versiyalar ilə, proqramın funksiyaları artırılır. Proqramda, əlavə səhifələr və qatlar, mətni redaktə etmək imkanları, dəyişikliklərin tarixinə giriş və bir neçə ardıcıl hərəkətlərin ləğv edilməsi imkanları və “Photoshop” proqramını bu gün onlarsız təsəvvür etməyin qeyri mümkün olduğu bir çox faydalı alətlər, misal üçün “Magestic Lasso” aləti meydana çıxır. Hər yenilənmə zamanı proqram daha da yaxşılaşır və öz saysız hesabsız istifadəçiulərinə daha yeni imkanlar təqdim edir.

1996 – cı ildən “Photoshop” interfeysi vahid şəklə salınmış və “Adobe” şirkətinin bütün proqramlarından fərqlənmişdir. Bu gün “Photoshop” proqramı 20 – dən artıq dildə təqdim olunur.

30 ildir ki, bu proqram şəkili redaktə etməyə kömək edir, onun tərtibatı isə bitmir. Tomas hələ də proqram üzərində işləyir. Onun qardaşı isə kino sənayesində işini davam etdirir və hətta 2007 – ci ildə “Karib dənizinin quldurları: ölünün sandığı” filmindəki xüsusi effektlərə görə “Oskar” mükafatını almışdır.

  Saytın məlumatlarından istifadə edərkən link ilə istinad mütləq vacibdir!