Kreditlər dondurulacaqmı? [AZ]
Prezidentin siyasi iradəsidir ki, insanların üzərinə düşmüş bu çətinlikdən olan ağırlığa dövlət şərik olacaq, onu yüngülləşdirməyə çalışacaq
Sosial izolyasiya tədbirləri çərçivəsində işləyə bilməyən vətəndaşların banklara olan kredit borclarını ödəməsi ilə bağlı çətinlikləri yarana bilər.
Məlumata görə, bununla bağlı sualı ölkədə tətbiq olunacaq xüsusi rejimlə bağlı keçirilən brifinqdə cavablandıran Nazirlər Kabinetinin mətbuat xidmətinin rəhbəri İbrahim Məmmədov bildirib ki, bu istiqamətdə yaradılmış xüsusi işçi qrup təkliflər hazırlayır: “Prezident İlham Əliyevin iqtisadi artımı saxlamaq və insanların müdafiəsini təmin etmək barədə Sərəncamı var. Hazırda kritik dövrdür, iqtisadi itkilərin vurduğu ziyanı minimallaşdırmaq üçün hökumətə tapşırıq verilib, işçi qrupları yaradılıb. Onlara 15 gün vaxt verilib. Aprelin 3-4-nə qədər təkliflər hazırlanıb Nazirlər Kabinetinə təqdim olunacaq.
Bu gün İqtisadiyyat naziri Mikayıl Cabbarov da müsahibəsində bildirdi ki, kredit şərtlərinin yumşaldılması və vergilərlə bağlı hansısa təkliflər olacaq. Prinsip aydındır: Prezidentin siyasi iradəsidir ki, insanların üzərinə düşmüş bu çətinlikdən olan ağırlığa dövlət şərik olacaq, onu yüngülləşdirməyə çalışacaq”.
Mənbə: Sputnik Azərbaycan
Saytın məlumatlarından istifadə edərkən link ilə istinad mütləq vacibdir!
- Published in Financial, News of Azerbaijan, weNews
Yollar bağlandı – kimlər haraya buraxılacaqlar? [AZ]
Rayonlara getmiş şəxslərin Bakı, Sumqayıt şəhərlərinə və Abşeron rayonuna qayıtmalarına icazə verilir, lakin onlar xüsusi karantin rejimi müddətində respublikanın digər şəhər və rayonlarına buraxılmayacaqlar
Bakı, 23 mart – Xüsusi karantin rejimi tətbiq olunduqdan sonra Daxili İşlər Nazirliyinə KİV və ictimaiyyət nümayəndələrindən gələn suallara DİN Mətbuat Xidmətinin rəisi Ehsan Zahidov cavab verib.
Həmin məlumatlıarı təqdim edirik:
Dünyada koronavirus pandemiyasının geniş yayıldığını nəzərə alaraq, koronavirus infeksiyasının ölkəmizdə yayılmasının, onun törədə biləcəyi fəsadların qarşısının alınması, əhalinin sağlamlığının qorunması məqsədilə martın 24-də saat 00:00-dan etibarən ölkə ərazisində xüsusi karantin rejimi elan edilib. Bəs bundan sonra vətəndaşlarımızın ölkə ərazisindəki hərəkəti necə tənzimlənəcək?
Elan edilmiş xüsusi rejimin tələblərinə görə xüsusi təyinatlı, o cümlədən təcili tibbi yardım, qəza-bərpa, xilasedici, habelə yük daşıyan avtomobillərin hərəkəti istisna olmaqla respublikanın şəhər və rayon qeydiyyatında olan nəqliyyat vasitələrinin, eləcə də rayon qeydiyyatında olan vətəndaşlarımızın Bakı, Sumqayıt şəhərlərinə və Abşeron rayonuna giriş və çıxışları tam məhdudlaşdırlır. Həmçinin, Bakı, Sumqayıt şəhərlərində və Abşeron rayonunda qeydiyyatda olan nəqliyyat vasitələrinin və bu şəhərlərdə qeydiyyatda olan vətəndaşlarımızın respublikanın digər şəhər və rayonlarına çıxışlarına da məhdudiyyət qoyulur.
Bəs bu günə qədər respublikanın digər şəhər və rayonlarına getmiş və hazırda da orada olan Bakı, Sumqayıt şəhərlərində və Abşeron rayonunda qeydiyyatda olanlar geri qayıda biləcəklərmi?
– Bəli, onların Bakı, Sumqayıt şəhərlərinə və Abşeron rayonuna qayıtmalarına icazə verilir, lakin onlar xüsusi karantin rejimi müddətində respublikanın digər şəhər və rayonlarına buraxılmayacaqlar.
Əvvəlcədən Bakı, Sumqayıt şəhərlərinə və Abşeron rayonuna gəlmiş respublikanın digər şəhər və rayon qeydiyyatında olan nəqliyyat vasitələrinin və vətəndaşların aqibəti necə olacaq?
Onların qeydiyyatda olduqları şəhər və rayonlara çıxışlarına məhdudiyyət tətbiq edilmir. Lakin, onlar Bakı, Sumqayıt şəhərlərini və Abşeron rayonunu tərk etdikdən sonra xüsusi karantin rejimi müddətində geri qayıda bilməyəcəklər.
Sonda Ehsan Zahidov qeyd edib ki, həyata keçirilən bütün tədbirlər vətəndaşlarımızın təhlükəsizliyinin təmin edilməsi və onların sağlamlığının qorunmasına xidmət edir. İnanırıq ki, vətəndaşlarımız xüsusi karantin rejimin bütün tələblərinə, o cümlədən Azərbaycan Respublikasının Nazirlər Kabineti yanında Operativ Qərərgahın tətbiq etdiyi sosial izolyasiya tədbirlərinə ciddi riayət edəcək, verilən tövsiyə və qərarları anlayışla qarşılayacaqlar.
Mənbə: Sputnik Azərbaycan
Saytın məlumatlarından istifadə edərkən link ilə istinad mütləq vacibdir!
- Published in News of Azerbaijan, weNews
Dünyada koronavirusa yoluxanların sayı hǝr dəqiqə artır – Rəsmi statistika [AZ]
Dünyada 98 782 nəfər koronavirusa yoluxub
Ümumdünya Səhiyyə Təşkilatına (ÜST) istinadən xəbər verilir ki, indiyədək 3390 nəfər koronavirusdan ölüb.
Virusa yoluxanlardan 55 804 nəfər sağalıb.
Hazırda 39 588 nəfərin xəstəliyi davam edir. Onlardan 33 350 nəfərin vəziyyəti stabildir, 6238 nəfərin vəziyyəti isə ciddidir.
Koronavirusun kütləvi yayıldığı ölkələr Çin, Cənubi Koreya, İtaliya və İrandır.
Mənbə: Modern.az
Saytın məlumatlarından istifadə edərkən link ilə istinad mütləq vacibdir!
Alimlər toxunuşlara reaksiya verən süni dəri hazırlayıblar [AZ]
Kanadanın Toronto Universitetinin alimləri hidrogeldən toxunuşlara, istiliyə və başqa manipulyasiyalara reaksiya verən süni dəri hazırlayıblar. Material daşınan elektronika, yumşaq robot və başqa qurğuların hazırlanmasında tətbiq edilə bilər.
hightech.fm saytı xəbər verir ki, süni dərinin istehsalı ucuzdur, tamamilə biouyğundur və asanlıqla dartılır. Sonuncu xüsusiyyət onu əsl dəriyə bərkitməyə imkan verəcək.
Qeyd edək ki, bundan əvvəl Münhen Texniki Universitetinin mühəndisləri toxunuşlara reaksiya verən sintetik dəri yaratmışdılar. Onlar həmin materialın köməyi ilə bütün “bədəni” süni dəri ilə örtülmüş ilk humanoid robot hazırlamışdılar.
Mənbə: AMEA
Saytın məlumatlarından istifadə edərkən link ilə istinad mütləq vacibdir!