Əhalinin sosial müdafiəsinin gücləndirilməsi sahəsində əlavə tədbirlər haqqında Azərbaycan Respublikası Prezidentinin Sərəncamı [AZ]
Əhalinin sosial müdafiəsinin gücləndirilməsi sahəsində əlavə tədbirlər haqqında Azərbaycan Respublikası Prezidentinin Sərəncamı
Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, əhalinin sosial müdafiəsinin gücləndirilməsi sahəsində tədbirləri davam etdirmək və bu tədbirlərin əhatə dairəsini daha da genişləndirmək məqsədi ilə qərara alıram:
1. Azərbaycan Respublikasının Əmək və Əhalinin Sosial Müdafiəsi Nazirliyi aşağıdakılarla bağlı normativ hüquqi aktların layihələrini on beş gün müddətində hazırlayıb Azərbaycan Respublikasının Prezidentinə təqdim etsin:
1.1. yaşa görə sosial müavinətin məbləğinin 130 manata çatdırılması;
1.2. sosial müavinətin məbləğinin I qrup əlilliyə görə 150 manata, II qrup əlilliyə görə 130 manata, III qrup əlilliyə görə isə 110 manata çatdırılması;
1.3. sağlamlıq imkanları məhdud 18 yaşınadək uşaqlara sosial müavinətin məbləğinin 150 manata çatdırılması;
1.4. ailə başçısını itirməyə görə sosial müavinətin məbləğinin 80 manata çatdırılması;
1.5. valideynlərini itirmiş və valideyn himayəsindən məhrum olmuş uşaqların qəyyumlarına (himayəçilərinə) sosial müavinətin məbləğinin 100 manata çatdırılması;
1.6. müddətli həqiqi hərbi xidmət qulluqçularının uşaqlarına sosial müavinətin məbləğinin 100 manata çatdırılması;
1.7. beşdən çox uşağı olan qadınlara sosial müavinətin məbləğinin hər uşaq üçün 55 manata çatdırılması;
1.8. uşağın anadan olmasına görə sosial müavinətin məbləğinin 200 manata çatdırılması;
1.9. dəfn üçün ödənilən sosial müavinətin məbləğinin 300 manata çatdırılması;
1.10. I qrup əlillərə və ya sağlamlıq imkanları məhdud 18 yaşınadək şəxslərə qulluq üçün əmək pensiyasının sığorta hissəsinə əlavə əvəzinə I qrup əlilliyi olan şəxslərə qulluq edənlərə və sağlamlıq imkanları məhdud 18 yaşınadək uşaqlara qulluq edənlərə 50 manat məbləğində Azərbaycan Respublikası Prezidentinin təqaüdünün təsis edilməsi;
1.11. müharibə veteranlarına kommunal, nəqliyyat və digər xidmətlərə görə sosial müavinət, habelə döyüşən ordunun tərkibində xidmət etmiş müharibə iştirakçılarının əmək pensiyasının sığorta hissəsinə əlavə əvəzinə 80 manat məbləğində Azərbaycan Respublikası Prezidentinin təqaüdünün təsis edilməsi;
1.12. müharibə əlillərinə Azərbaycan Respublikası Prezidentinin təqaüdünün məbləğinin I qrup əlilliyə görə 250 manata, II qrup əlilliyə görə 230 manata, III qrup əlilliyə görə 210 manata çatdırılması;
1.13. əlillik ümumi xəstəlik, hərbi xidmət dövründə xəstələnmə, əmək zədəsi və peşə xəstəliyi, hərbi əməliyyatlar keçirilən zonada olmaqla əlaqədar, Çernobıl AES-də qəzanın ləğvi ilə əlaqədar səbəblərdən baş verdikdə I qrup əlilliyə görə sosial müavinət alanlara Azərbaycan Respublikası Prezidentinin təqaüdünün əmək pensiyası almaq hüququ olan I qrup əlillərə (gözdən əlillər istisna olmaqla) şamil olunması və məbləğinin 100 manata çatdırılması;
1.14. 1941 – 1945-ci illər Böyük Vətən müharibəsi iştirakçılarına, İkinci Dünya müharibəsi dövründə Leninqrad şəhərinin mühasirəsi zamanı şəhərin müəssisələrində, idarə və təşkilatlarında işləmiş və “Leninqradın müdafiəsinə görə” medalı, “Leninqrad mühasirəsində yaşayan” döş nişanı ilə təltif edilmiş şəxslərə (müharibə əlilləri istisna olmaqla) Azərbaycan Respublikası Prezidentinin təqaüdünün məbləğinin 150 manata çatdırılması.
2. Azərbaycan Respublikasının Nazirlər Kabinetinə tapşırılsın ki, bu Sərəncamdan irəli gələn digər məsələləri həll etsin.
İlham Əliyev
Azərbaycan Respublikasının Prezidenti
Bakı, 25 fevral , 2019-cu il.
Saytın məlumatlarından istifadə edərkən link ilə istinad mütləq vacibdir!
- Published in Azerbaijan, Financial, weNews
Yaponiya gen terapiyası üçün preparatdan istifadəyə razılıq verib [AZ]
Yaponiyada gen terapiyasında ilk dəfə istifadə ediləcək dərmana razılıq verilib. Yaponiya KİV-inə istinadla xəbər verilir ki, bu barədə qərar hökumət yanında ekspertlər komissiyası tərəfindən qəbul edilib.
Bildirilir ki, “AnGes” şirkəti “Collategene” adlı preparatın qeydiyyata alınması üçün müraciət edib. Bu dərmanın ayağın toxumalarının məhvinə səbəb olan qanın zəif dövranını tənzimləmək məqsədilə tətbiq ediləcəyi bildirilir.
Qeyd edək ki, son zamanlar gen terapiyası yeni nəsildə təkrarlanan irsi xəstəliklərin müalicəsində geniş tətbiq edilməyə başlayıb. Eyni zamanda, gen terapiyasından indiyədək müalicəsi və simptomların aradan qaldırılması üçün dərmanın tapılmadığı xəstəliklərdə də istifadə edilir. Belə preparatlar ABŞ-da və digər ölkələrdə tətbiq olunur.
“Collategene” preparatının tərkibində damarları yaradan və zədələnmiş ətraflarda qanın dövranını tənzimləyən genlər var.
Mənbə: Azərtac
Saytın məlumatlarından istifadə edərkən link ilə istinad mütləq vacibdir!
“Qlobal istiləşmə” termininin müəllifi öldü, problem isə… [AZ]
Mütəxəssislər deyir ki, dünyanın böyük dövlətləri ciddi tədbirlər görməsələr, kəskin fəsadlarla üzləşə bilərik
AMEA-nın Coğrafiya İnstitutunun elmi işlər üzrə direktor müavini, iqlimşünas Məhərrəm Həsənov deyir ki, iqlim dəyişmələri hazırda bütün dünyada müşahidə edilən bir problemdir: “Qlobal istiləşmə 1961-1990-cı illərin materiallarını Ümumdünya Meteorologiya Təşkilatı norma kimi qəbul edib. 1991-ci ildən bu günə kimi temperaturun yüksəlməsi müşahidə edilir. Ümumilikdə götürüləndə isə son 50 il ərzində yer kürəsinin orta temperaturu təqribən 1 dərəcəyə qədər yüksəlib. Qeyd edilən dərəcə az deyil. Qlobal istiləşmə nəticəsində dünyada olan buzlaqlar əriyər, dünya okeanının səviyyəsi yüksələr və bunun nəticəsində okean sahildə yerləşən ərazilər su altında qala bilər. Digər tərəfdən temperaturun belə yüksəlməsi gələcəkdə quraqlığın artması ilə ərzaq probleminin yaranmasına səbəb olar. Həmçinin su ehtiyatlarının azalması da problemlər yaradar. İstiləşmənin əsas səbəbi isə indiki dövrdə antropogen amillərdir. Bu antropogen amillərin əsasını atmosferə atılan karbon qazının miqdarının artması təşkil edir. Məhz karbon qazının artması ilə atmosferdə istixana effekti deyilən bir şərait yaranır ki, bu da yer kürəsində temperaturun qalxmasına təsir edər. Bu da bir sıra problemlərin baş verməsinə səbəb ola bilər. 2015-ci ilin dekabr ayında Parisdə bir sıra dövlət rəhbərlərinin iştirakı ilə sammit keçirildi və orada bir daha təsdiq edildi ki, son 50 il müddətində yer kürəsinin orta temperaturu yüksəlib. Yəni qlobal istiləşmə davam etməkdədir. Buna təbii fəlakət kimi baxmaq lazım deyil. Bəzi ölkələr öhdəlik götürüblər ki, atmosferə atılan karbon qazı 1992-ci il səviyyəsinə endirilsin və həmin səviyyədə saxlanılsın. Bunun üçün də ilk növbədə müəyyən sənaye müəssisələrində təmizləyici qurğular qurulmalıdır. Həmçinin avtomobillərdən havaya buraxılan zərərli qazları azaltmaq üçün hibrid maşınların istehsalı artmalıdır ki, yanacaqdan az istifadə edilsin”.
Saytın məlumatlarından istifadə edərkən link ilə istinad mütləq vacibdir!
İnsanların Marsa uçuşu təxirə salındı [AZ]
Marsda daimi koloniyanın yaradılmasını nəzərdə tutan “Mars One” layihəsinin “Mars One Ventures” kommersiya bölməsi iflas etdiyini elan edib.
Bu barədə “Engadget” nəşrində məlumat yayılıb.
İsveçrənin Bazel şəhərinin mülki məhkəməsinin çıxardığı qərara əsasən, adıçəkilən şirkət 15 yanvar 2019-cu ildə müflis olub.
Layihənin rəhbərlərindən olan Bas Lansdorp fəaliyyətlərini davam etdirmələrinə rəğmən, investisiyaların kəsilməsinin qarşıya qoyulan məqsədlərin icrasını mümkünsüz etdiyini dilə gətirib. Lansdorp “Engadget”ə verdiyi açıqlamada təfərrüata varmasa da, problemin həllini tapması üçün hazırda əlindən gəldiyini etdiyini vurğulayıb.
“Mars One” iki bölmədən ibarətdir: İsveçrədə qərarlaşan və teleyayım hüquqlarına malik olan “Mars One Ventures” kommersiya bölməsi və Niderlandda qərarlaşan və bütün layihələri idarə edən “Mars One Foundation” qeyri-kommersiya bölməsi.
Bundan əvvəl layihənin “Marsdakı” koloniyaçıların həyatı haqqında realiti-şounun reklam gəlirləri hesabına maliyyələşdiriləcəyi bildirilirdi. Layihə çərçivəsində dünyanın dörd bucağından yüz minlərlə könüllü arasında seçimlər həyata keçirilmiş və onun əsasında sənədli film lentə alınmışdı.
Qeyd edək ki, “Mars One” layihəsinin ən tükürpədici məqamlarından biri, koloniyaçıların bir daha Yer planetinə geri dönə bilməyəcəkləri idi.
Plana görə, layihə çərçivəsində Marsda “yaşama haqqı qazanmış” könüllülər 2027-ci ildə “Qırmızı planetə” eniş etməli idi.
Mənbə: Oxu Az
Saytın məlumatlarından istifadə edərkən link ilə istinad mütləq vacibdir!
- Published in weNews, weScience, weUniverse
Kibertəhlükəsizlik səviyyəsinə görə ən yaxşı ölkə açıqlanıb [AZ]
Hakerlər bir ay boyunca İsveçrənin elektron səsvermə sisteminə hücum edə biləcəklər.
Xəbər verilir ki, bu addımla İsveçrə hökuməti “Schweizer Post AG” tərəfindən təqdim edilən sistemin etibarlılığını yoxlamaq və həmçinin əhalidə bu sistemə qarşı inam yaratmaq niyyətindədir. Artıq 450-dən artıq haker bu məqsədlə www.onlinevote-pit.ch saytında rəsmi qeydiyyatdan keçib və fevralın 25-dən martın 24-dək elektron səsvermə sisteminə hücum edə biləcəklər. İspaniyanın “Scylt” şirkətinin hazırladığı texnologiyanın yoxlanılması gələcəkdə mümkün boşluq və manipulyasiya imkanlarının qarşısını indidən almağa xidmət edir.
Hakerlərin qarşısına sayt idarəçilərinin xəbəri olmadan sistemi manipulyasiya etmək, saxta seçici profilləri yaratmaq və ya mövcud olanları dəyişmək, hər bir seçicinin məxfi səsvermə nəticələrini aşkara çıxarmaq və onu saxtalaşdırmaq, ümumi səsvermə nəticələrinə təsir etmək və s. tapşırıqlar qoyulub. Hakerlərin marağını artırmaq üçün, ümumilikdə, 250 min İsveçrə frankı məbləğində mükafat fondu da təsis edilib. Hansısa seçicinin kimə səs verdiyini aşkara çıxara bilən hakerə 5 min frank, aşkar edilmədən fərdi səsləri manipulyasiya edən hakerlərə isə 20-50 min frank arasında mükafat vəd edilir.
Mənbə: azertag.com
Saytın məlumatlarından istifadə edərkən link ilə istinad mütləq vacibdir!
- Published in weNews, weTechnology
İsveçrə hökuməti hakerlərə mükafat verəcək [AZ]
Hakerlər bir ay boyunca İsveçrənin elektron səsvermə sisteminə hücum edə biləcəklər.
Xəbər verilir ki, bu addımla İsveçrə hökuməti “Schweizer Post AG” tərəfindən təqdim edilən sistemin etibarlılığını yoxlamaq və həmçinin əhalidə bu sistemə qarşı inam yaratmaq niyyətindədir. Artıq 450-dən artıq haker bu məqsədlə www.onlinevote-pit.ch saytında rəsmi qeydiyyatdan keçib və fevralın 25-dən martın 24-dək elektron səsvermə sisteminə hücum edə biləcəklər. İspaniyanın “Scylt” şirkətinin hazırladığı texnologiyanın yoxlanılması gələcəkdə mümkün boşluq və manipulyasiya imkanlarının qarşısını indidən almağa xidmət edir.
Hakerlərin qarşısına sayt idarəçilərinin xəbəri olmadan sistemi manipulyasiya etmək, saxta seçici profilləri yaratmaq və ya mövcud olanları dəyişmək, hər bir seçicinin məxfi səsvermə nəticələrini aşkara çıxarmaq və onu saxtalaşdırmaq, ümumi səsvermə nəticələrinə təsir etmək və s. tapşırıqlar qoyulub. Hakerlərin marağını artırmaq üçün, ümumilikdə, 250 min İsveçrə frankı məbləğində mükafat fondu da təsis edilib. Hansısa seçicinin kimə səs verdiyini aşkara çıxara bilən hakerə 5 min frank, aşkar edilmədən fərdi səsləri manipulyasiya edən hakerlərə isə 20-50 min frank arasında mükafat vəd edilir.
Mənbə: azertag.com
Saytın məlumatlarından istifadə edərkən link ilə istinad mütləq vacibdir!
- Published in weNews, weTechnology
Kaliforniyada ölüm təhlükəli vadi qızdırmasına yoluxma halları artıb [AZ]
ABŞ-ın Kaliforniya ştatının Səhiyyə Derpartamentinin nümayəndələri bu həftə bildiriblər ki, ştatın ərazisində “vadi qızdırması” adlandırılan ölüm təhlükəli xəstəlik yayılır. Məlumatda deyilir ki, təkcə 2018-ci ildə bu xəstəliyə 7886 yoluxma faktı qeydə alınıb ki, bu da inişildəkindən 11 faiz çoxdur. Lakin hətta bu rəqəmlər də dəqiq deyil. 2018-ci il üçün yekun statistika bu ilin martında departamentin hesabatında açıqlanacaq.
“Səhra revmatizmi”, “San-İoahim vadisinin qızdırması” və “koksidioidomikoz” adları ilə də məşhur olan vadi qızdırmasını torpaq göbələyi törədir. Bu xəstəliyə göbələyin havaya yayılan çox xırda sporları ilə nəfəs alan adama yoluxa bilər. Vadi qızdırması insandan insana keçmir. Onun əlamətləri qripə bənzəyir: öskürək, titrəmə, yüksək temperatur, sinədə və bütün bədəndə ağrı. Göbələyin sporları sətəlcəmə səbəb olur. Bəzi hallarda infeksiya ağciyərdən beyinə, sümüklərə, dəri və ya gözlərə yayılaraq, korluğa, ağciyər çatışmazlığına və hətta ölümə gətirib çıxarır. Kaliforniyanın hakimiyyət orqanları bildiriblər ki, 2017-ci ildə vadi qızdırmasından 9 min adam ölüb, lakin 2018-ci ildə bu xəstəlikdən ölüm halları barədə məlumat hələlik açıqlanmayıb.
Mənbə: azertag.com
Saytın məlumatlarından istifadə edərkən link ilə istinad mütləq vacibdir!
“Gmail” spam mesajların 99,9 %-ni bloklamağa başlayıb [AZ]
“TensorFlow” (kompüter təlimi üçün açıq proqram kitabxanası) sisteminin köməyi ilə “Gmail” elektron poçt sistemində spam mesajların aşkar edilməsi imkanları gücləndirilib.
Xarici KİV-lərə istinadla xəbər verilir ki, “TensorFlow” sistemi neyron şəbəkələrinin yaradılması və təlimi üçün istifadə olunur.
Hələ 2017-ci ilin əvvəlində “Google” şirkəti “Gmail” xidmətində arzuedilməz və zərərli poçt göndərişlərini 99,9 faizi dəqiqliklə aşkar etməyə imkan verən yeni mübarizə alətləri tətbiq etmişdi.
Axtarış nəhənginin mətbuat xidmətinin məlumatına görə, “Gmail” xidmətində hər gün 100 milyon əlavə spam mesaj aşkar etmək üçün bu inteqrasiyadan istifadə olunur. Bununla belə “Google” vacib elektron məktubları spam kimi qəbul etməmək üçün bütün ehtiyat tədbirləri görür.
Mənbə: azertag.com
Saytın məlumatlarından istifadə edərkən link ilə istinad mütləq vacibdir!
- Published in weNews, weTechnology
“WhatsApp Business”in auditoriyası 5 milyon şirkətə yaxınlaşıb [AZ]
“WhatsApp Business” korporativ messencerinin istifadəçilərinin sayı 5 milyon şirkətə yaxınlaşıb. Həmçinin xidmətdə təqdim edilmiş yeniliklər elan olunub.
Xarici KİV-lərə istinadla xəbər verilir ki, “WhatsApp Business” korporativ messencerində şirkət və brendlər öz fəaliyyətlərinin təsvirindən ibarət ayrı-ayrı profillər yarada bilərlər. Messencerin köməyi ilə iş adamları müştərilərlə şəxsən və ya tez-tez verilən sualları cavablandıracaq çat-botlar vasitəsilə ünsiyyət saxlaya bilərlər.
Xidmət avtomatik salamlamanı tənzimləməyə, mesaj statistikasına baxmağa və biznes hesabın iş vaxtını (bu vaxt ərzində istifadəçilər şirkətin nümayəndələrinə yaza bilərlər) göstərməyə imkan verir.
Bundan başqa, “WhatsApp Business”də çat siyahılarının filtrasiyası (qruplar, poçt siyahıları və oxunmamış mesajlar üzrə çeşidləmə imkanı) və sürətli cavablar əlçatan olub.
Mənbə: azertag.com
Saytın məlumatlarından istifadə edərkən link ilə istinad mütləq vacibdir!
- Published in Faceebook Inc, U.S.A, weNews, weTechnology
Erkən yaşda diş həkiminə gedən uşaq odontofobiyadan uzaq olur [AZ]
Diş həkimindən qorxmaq odontofobiya, bəzən də dentofobiya və ya stomatofobiya adlanır. Hər on uşaqdan doqquzunda həmin hala rast gəlmək mümkündür. Onlar əsasən qandan iyrənir, həkim ağız nahiyəsində işləyərkən eşidilən səs-küydən qıcıqlanır, ağzı davamlı açıq saxlamaq məcburiyyətindən qorxur, həkimin əli onlara toxunanda narahatlıq hissi keçirirlər.
Bu barədə məlumat verən Azərbaycan Dövlət Pedaqoji Universitetinin müəllimi, psixologiya üzrə fəlsəfə doktoru Yeganə Əsgərova deyib: “Qorxunun baş verməməsi üçün uşağı diş həkimi ilə erkən yaşda tanış etmək lazımdır. 2 yaşına çatmayan uşaqları diş həkiminə aparmaq məsləhətdir, çünki həmin yaşda olan uşaqların diş həkiminin kreslosuna oturmaqdan xoşları gəlir. Erkən yaşda ağ xalata öyrənən uşaq sonralar diş həkiminə gedərkən qorxu hissindən uzaq olur.
Həkimə getməzdən əvvəl orda olacaq hadisələr uşağa izah edilməli, psixoloji hazırlıq aparılmalıdır. Hətta müayinənin necə aparılacağı barədə onda təəssürat oyatmaq lazımdır. Uşağın əlinə qaşıq verərək “diş həkimi-xəstə oyunu” oynamaq onu həkimə qarşı mülayimləşdirir. Öz növbəsində, həkim də sonrakı seanslarda aparılacaq əməliyyat barədə ailə üzvlərinə və uşaqlara məlumat verməlidir. Diş həkiminə qarşı fobiyası olan uşaqlara təcrübəli mütəxəssis həkimlər seçmək lazımdır.
Stomatoloji müayinə və müalicə üçün seçilən klinikada uşaqların psixologiyasına uyğun dekorasiya, musiqi, maraqlı şəkillər və oyun otaqlarının olması böyük əhəmiyyət daşıyır. Uşaq nadinclik edərkən “sakit ol, yoxsa səni diş həkiminə apararam, dişini çəkdirərəm” demək düzgün deyil, çünki diş həkiminin qorxusuna səbəb olan faktorlardan biri də valideynin tərbiyədə bu cür səhvlərə yol verməsidir. Uşaqlarda həkimə qarşı qorxu hissi aşılamaq düzgün taktika deyil”.
Psixoloq Yeganə Əsgərova daha sonra deyib: “Stomatologiyada istifadə edilən keyləşdirici krem və spreylər iynənin ağrısını hiss etdirmir. İynə vurdurmaqdan qorxanlar əməliyyatlarda anesteziyadan qaçır və daha çox ağrı hiss edirlər. Həm xəstənin, həm də diş həkiminin psixoloji cəhətdən özlərini rahat hiss etməsi üçün keyidici dərman preparatı vurmaq və ağrı stressini yaşamamaq məsləhətdir. Belə edəndə müalicə daha az çəkir və uğurla başa çatır. Xəstə qorxularını gizlətməməli və onu öz həkimi ilə paylaşmalıdır. Həkim isə işə sadə müalicələrdən başlayaraq xəstənin etibarını qazanmalıdır. Əks halda xəstə həmin qorxularla baş-başa qalır, həkiminə anlatmadığı üçün onların öhdəsindən gələ bilmir.
Qorxunu azaltmaq üçün həkim xəstənin etibarını qazanmalıdır, görüş saatı həm həkim, həm də xəstə üçün münasib olmalıdır. Digər tərəfdən stomatologiyada istifadə edilən deşici alətin çıxardığı səsdən narahat olanlara müalicə əsnasında qulaqcıqla musiqi dinləmək məsləhətdir. Diş həkimi və ya assistent yumşaq formada təmas və rəftar göstərməli, müalicə vaxtı aparılacaq əməliyyatlar ətraflı şəkildə izah edilməli, ağrı olarkən uşağa əlini qaldıraraq xəbər verməsi başa salınmalıdır. Həmin üsullar fayda vermədikdə ağrını hiss etdirməmək və xəstəni sakitləşdirmək üçün venadaxili sakitləşdiricilər verilir, bəzən ümumi anesteziya tətbiq edilir”.
“Stomafobiya əsasən dişlərin müalicəsini çətin keçirənlərdə əmələ gəlir. Diş həkimi işləyərkən maska taxdığına görə uşaqlar ondan qorxa bilər, ağızlarını açmaz, alətləri görüb qışqırar, nəticədə fobiya yaranar. Ona görə də böyük və ya kiçik yaşda olan uşaqlar dişlərinin ağrıdığını ətrafdakılara hiss etdirməməyə çalışırlar. Xəstə ağrıya dözə bilməyəndə diş həkiminə getmək məcburiyyətində qalır. Diş ağrısı zamanı xəstələrin qorxu səbəbindən müalicəni gecikdirməsi ciddi diş problemlərinə səbəb ola bilər və müalicə uzun çəkər. Ona görə də bu sahədə diş həkimlərinin üzərinə ağır yük düşür və onların diqqətli olması lazımdır. Müalicə zamanı xəstənin diqqətini cəlb edəcək xoş münasibət və diş həkiminin psixoloji cəhətdən normal davranışı çox vacibdir. Stomatoloq və psixoloqun əməkdaşlığı diş həkimindən çəkinənlər üçün faydalıdır. İynə və qandan qorxanlar, digər fobiyası olanların da mütəxəssisə müraciət etməsi məsləhətdir”,- deyə psixoloq söhbətə yekun vurub.
Mənbə: azertag.com
Saytın məlumatlarından istifadə edərkən link ilə istinad mütləq vacibdir!