Backlink nədir? [AZ]
Backlink – bir veb saytdan digərinə verilmiş linklərdir. Yəni, veb sayt hər hansı bir məqaləsindən digərinə link verirsə, “Google” bunu referans kimi qəbul edir. Backlinklərin əsas faydası isə “Google” sıralamasında rəqiblərdən daha üstün xüsusiyyətlər qazandırmasıdır. Bu isə saytı “google”ın “gözündə” daha da yüksəyə qaldırır. Yəni, sayt performans göstəricisi (ing. Domain Authority) artmaqla daha ön sıralarda olma imkanı qazanır. Növ olaraq 3 yerə bölünürlər: topical, authentic və high authority. Həmçinin, backlink almağın bir çox yolları da mövcuddur. Bloq mətnləri, qarşılıqlı link vermə kimi yolları buna misal göstərmək olar.
Mənbə: code.edu.az
Saytın məlumatlarından istifadə edərkən link ilə istinad mütləq vacibdir!
- Published in Coding, Programming, Technology, weSoftware, weTechnology
Framework nədir? [AZ]
Freymvork (ing. framework) – proqram sisteminin strukturudur. Adətən böyük proqram layihəsinin müxtəlif komponentlərinin işlənib hazırlanmasını və birləşdirilməsini asanlaşdırmaq məqsədilə istifadə olunur. Freymvorklar çoxyönlü, güclü və səmərəlidir, çünki onlar tez-tez bir çox təcrübəli proqramçı tərəfindən sınaqdan keçirilir və optimallaşdırılır. Freymvork istifadə edilməzsə, hər hansı bir tətbiqi hazırlamaq üçün daha çox vaxt və əmək sərf olunmalıdır. Ən məşhur freymvorklara “React”, “Laravel” və “Spring”i misal göstərmək olar.
Mənbə: code.edu.az
Saytın məlumatlarından istifadə edərkən link ilə istinad mütləq vacibdir!
- Published in Coding, Programming, Technology, weSoftware, weTechnology
“Yay Günəş duruşu” mövzusunda elmi-praktiki seminar keçirilib [AZ]
AMEA-nın Naxçıvan Bölməsinin Batabat Astrofizika Rəsədxanasında “Yay Günəş duruşu” mövzusunda elmi-praktiki seminar keçirilib.
Tədbiri rəsədxananın direktoru, fizika-riyaziyyat üzrə fəlsəfə doktoru, dosent Qulu Həziyev açaraq iyun ayının 21-ə təsadüf edən bu astronomik hadisədən danışıb. Bildirib ki, yayın və qışın daxil olması Yay və Qış Günəş duruşu adlandırılır. İyunun 21-də Yay Günəş duruşunda olarkən yay, dekabrın 22-də isə Qış Günəş duruşunda olarkən qış fəsli Azərbaycana daxil olur.
Sonra rəsədxana əməkdaşları – Türkan Məmmədova, Ülvi Vəliyev və Ruslan Məmmədovun məruzələrlə çıxış edərək Yerin Günəş ətrafında hərəkətinin xüsusiyyətləri, o cümlədən Yer kürəsində fəsillərin əmələ gəlməsi prosesi barədə məlumat veriblər.
Daha sonra müzakirələr aparılıb, çoxsaylı suallar cavablandırılıb.
Mənbə: AMEA
Saytın məlumatlarından istifadə edərkən link ilə istinad mütləq vacibdir!
- Published in Azerbaijan, weScience, weUniverse
Bu gün Azərbaycanda Yel çərşənbəsidir [AZ]
Məlumata görə, çərşənbələrdən üçüncüsü olan Yel çərşənbəsi xalq arasında “Külək oyadan çərşənbə”, “Küləkli çərşənbə” kimi də tanınır. Bu çərşənbə yaranış prosesinin üçüncü mərhələsini əks etdirir. Hesab edilir ki, əgər torpaq və su insan yaradılışının maddi əsasını təşkil edirsə, od və yel bu materialın yaradılmasında kənar vasitəçi statusunda çıxış edir.
Yel çərşənbəsində əsən isti küləklər yazın gəlişindən xəbər verir.
İnanclara görə, bu çərşənbədə oyanan yel, külək suyu, odu hərəkətə gətirir.
Qeyd edək ki, 2020-ci ildə yaz fəsli ölkəyə martın 20-də, Bakı vaxtı ilə saat 07:49:36-da daxil olacaq.
Xatırladaq ki, bu il Novruz bayramı ilə əlaqədar 20, 21, 22, 23, 24 mart qeyri-iş günləri olacaq. Bu il bayram günü hesab edilən 21 və 22 mart həftələrarası istirahət günləri ilə üst-üstə düşdüyündən 25, 26 mart da qeyri-iş günü hesab ediləcək. Beləliklə, Novruz bayramı günlərində 20-26 mart tarixləri qeyri-iş günləri olacaq.
Mənbə: weNews Team
Saytın məlumatlarından istifadə edərkən link ilə istinad mütləq vacibdir!
- Published in Azerbaijan, Holidays, weNews, weScience
Koronavirusu bu üsulla müalicə etmək mümkündür – Diqqət! [AZ]
Təsdiqlənmiş koronavirus hallarının 85 faizindən çoxu Çində qeydə alınıb
Xəbər verilir ki, xəstəxanaya yerləşdirilən şəxslərin hamısına adi müalicə ilə yanaşı, Çin təbabətinin ənənəvi üsulları da tövsiyə olunub.
Çin Elm və Texnologiya Nazirliyi koronavirusa yoluxan 60 mindən çox insana ənənəvi təbabət vasitələrinin təyin olunduğunu bildirir.
Yerli mediaya əsasən, hər iki növlə müalicə olunan xəstələr yalnız “adi” dərman alan pasiyentlərə nisbətən daha tez sağalıblar. Misal üçün, Hançjou xəstəxanasına ağır vəziyyətdə çatdırılan 88 yaşlı qadını məhz qarışıq üsulla müalicə etmək mümkün olub.
Ənənəvi üsullarla müalicə formulu Hançjou şəhərinin Səkkizinci Xalq Xəstəxanasında hazırlanıb. Regional hakimiyyətin təsdiqindən keçən bu formul Quandun əyalətinin Elm və Texnologiya Nazirliyi tərəfindən rəsmən tanınıb.
Hançjou Yoluxucu Xəstəliklər Xəstəxanasında Xalq Təbabəti şöbəsinin müdiri Yu Dzənhua xəstələrə iki ənənəvi vasitənin yazıldığını bildirir – biri bəlğəmə görə, digəri isə iltihaba qarşı təyin olunur.
Bu səpkidə Qingfei Paidu dərmanının xüsusilə yüksək müalicəvi təsiri qeyd olunur. Bu barədə məlumat yayan Sinhua Agentliyi pekinli baş həkim Van Ronbinin sözlərinə istinad edir.
Bu ənənəvi dərman iynəyarpaq və biyan kökü də daxil, müalicəvi bitkilər əsasında hazırlanır.
Mənbə: Sonxeber.az
Saytın məlumatlarından istifadə edərkən link ilə istinad mütləq vacibdir!
- Published in Folk Medicine, weHealth, weNews